Hasrin Zulthain Bersah

Nak... Mereka berjanji lagi Di kertas yang terbentang lebar Di kain kain yang berkibar Kata katanya membuai hati yang kasmaran Menumbuhkan cinta baru pada sang perayu Nak... Mereka berjanji lagi Memberikan kita perahu Dengan dayung yang berwarna Seberangkan kita kepulau harapan Memberikan kita hidup baru Nak... Dengarlah suara suara itu Terus mengagungkan janji janji Dengan nyanyian yang sumbang Meninabobokan kita dalam ayunan harapan Membuat mimpi mimpi menjadi kenyataan Katanya... Nak... Biasakanlah mendengar suara suara itu Ajaklah hati tuk sedikit mengerti Agar tak ada yang tersakiti Anggukanlah agar keakraban ini tak hilang begitu saja Maknailah sebatas kewajaran saja Agar tak ada marah dan maki terucap Nak... Ingat, tak semua janji tak ditepati Tak semua mimpi tak menjadi nyata Yakinkanlah diri ada yang mesti dicinta Takengen, 19 Desember 2016

Beluh ni ama osop seserenen Taring ni ine bene tungkelen Retak ni tubuh gere pat kadunen Beramuren luh ari mata Taon mungadu gere pat sederen Simunamik pumu nge wan kenangen Asal menet nome wan tenumpiten I ulesen orom do'a do'a Rupe ni ine sabe kubayangen Suntuk mulintes wanni ingeten Mejen lagu munalu pumu i jangkonen Menetku i kemekken sire munyintung rara Gambar ni ama kuengon engon Mubayang aku wanni perempusen I amiki ama i waih pelipenen Denemku i emen ku pematang rata Simunalu anak asal olokdi simen Ara ilen biak rum serinen Ku talu Ine gere arane rupen Kusa ku sawahen ike munalu Ama Ku entong kase kuburen Kutatangen pumu muniro ku Tuhen Ama Ine nge mulo munemah jelen Aku sitaringen buge wan perala (Simunalu anak asal memang dele Tapi aku mukale kusa ku talu ama ine) Pinangan, 06 Desember 2016

Cerak ike nge luah nume kite ne empue Bijak asal awah ate turah mupetimange Resie ike nge musorah ku mara kase beluhe Benar orom salah teridah we ahere Kiding ike nge mulangkah gere ternyatai isi bekase Sangka siserapah mugerbes meh kerpe Jingket kiding semelah tiwel pembeluhenne Ike teduh kase singah murebah taon besere Waih ike nge musoah mutemak bier ipitetpe Sompong si muperngah i olah kune jerohe Tetajuren turah betetah kati sawah kase teteppe Keni Ngenakken engkip gelah siep buh penibukke Pinangan, 04 Desember 2016

Dik... Sepuluh tahun sudah aku dan kamu menjadi kita Dalam ikatan suci kita berikrar tuk saling mengerti Kita biaskan warna yang kita punya Kita samarkan beda yang ada Karena kita percaya Cinta ini memang milik kita Dik... Perahu yang kita dayung kadang tak searah Tak luput riak gelombang kerap menerpa Bahkan menjauhkan kita dari pantai harapan Namun kita percaya Tujuan kita masih tetap sama Dik... Rasa yang kita tulis masih terpatri di hati Menjadi janji di lingkaran jiwa Terus tumbuh bersama tawa dan air mata Karena kita percaya Di tulusnya ada ikhlas tuk saling menerima Dik... Terimakasih telah mempercayai aku tuk mencintaimu Terimakasih atas ikhlas dan sabarmu menjadi Ine dari anak anak kita Karena aku percaya Engkaulah tulang rusukku yang hilang itu.... Pinangan, 05 Desember 2016

Merayakan tahun baru...? Ah sepertinya itu hanya seremonial belaka Sekedar untuk membuktikan bahwa kita telah melewati tahun sebelumnya Tapi lupakah kita.... Bahwa BUMI SEMAKIN TUA Bahwa MATAHARI PERLAHAN TELAH MERUBAH ARAH TERBITNYA, MERUBAH ARAH BAYANGAN KITA Sungguh... Bumi Semakin Tua.. 31 Desember 2015

Sajadah usang ini masih merindukan sujudmu Di rakaat rakaat yang mengagungkan nama Tuhanmu Dalam keheningan dan kepasrahan pada Sang Maha Pengasih Penuh keikhlasan dan kerinduan pada Sang Maha Penyayang Sajadah usang ini masih merindukan do'a do'amu... Pinangan, 10 Desember 2015

Ipak.... Kin sunting ni ulu asal kao tajuk Gere bepeltek turah ruluh ri tampuk Jeroh berperala gere ku osah muterkuk Mampat i seluk kona ku ate Ipak.... Belangi muriling sampe ku pucuk Jalin berjalin sesire i rasuk Dedemu i punce gere museseruk Renye mutungkuk ike gaeh kuyu bade Ipak... Gaehni gegoyong iwan lao reduk Temerbang singah nemah ate suntuk Taringne tene asa gere mululuk Gere gabuk ko kemang setangke Ipak.... Mukalam janyi se wan sara nanguk Buletni pakat nge wan sara tumpuk Salah bertegah ikepe muterkuk Gere demu kuduk wan emis nome Perumnas Antara, 01 Desember 2016

Uren si turun buge kin rejeki Munyiremi senuen si mokot penampi Kite tatangen pumu doa gere mari mari Buge I jarakmi ari bele Rara si ilang buge sesopmi Asap si mujengkele buge osopmi Senuen si dele bouh pulihmi Kire mujadi uah bang kase bunge Lao siporak nge mujadi bengi Kerpe si senang nge munaso nami Wih bersenggayun I pucuk ni kupi Ulung betari nge sawah sipinte I ulesi emun so bur junjani Bur birah panyang telas muriti Bur pereben nge kin saksi Sana si nge terjadi enti ne munimpe Arini ku arap gelah jingermi Ike buet salah tir I koai Genap nge mulo sana siterjadi Sayang penadi so uten rime Takengen, 06 Oktober 2016

Uten si lues nge meh lapang Rara si ilang munaringen bere Gere ne ara taon bediang Nge meh kabang penghuni rime Bur Gayo olokdi sayang Bangur ni rara gere berede Batang ni uyem nge taring atang Gere ne longoh wan musim kemaro Pongot ni imo nge taring denang Osop nge senang timul gerico Gere ne ara pucuk mulelingang Nge taring atang taon besene Takengen, 03 Oktober 2016

Ike nengon gerinem lagu meh pejem si kuen kiri Terupen mutelnom wan telege si musuri Terih kin kelem turah ijegei enti sawah nipi Sampe muredem sawah kuujung ni jejari Atur niperi musemet meri luah ni cerak Ikot ni tali iriling gati ulak berulak Ike i kaji gere mari mari maksud ni sintak Gere ne muarti nge bala bili nyanya munyimak Laing ni gegur nge ketar ketur temus ku bumi Si mulayang mungkur sampe tepur munelesni jejari Si tekabur se nge munur munyuruten diri Sampe mamur renye munajur si ilet dengki Nge mukiser sampe musier arah situju Gerene ku uer meh tempier beluh selalu Taring ne keber sibeseder rum emus nikuyu Geh si berunger nge mutuker pakat dahulu Takengen, 17 Agustus 2016

Sibeluh udah gere berunger Gere munyeder ku simujegei umah Sitaring nge muloi guser Gere ara keber tikikpe amanah Sitaring nge murasa usik Murasa macik ari dele ni jamu Gere mutene mata gere mujentik Nge mubebalik tilok ni pumu Gere betene wan kertas serilah Gere ara sawah manat musisu Jimet ni pumu gere ara teridah Sana siosah ike sawah jamu Sesabi diri nge berdedalehen Bersitulaken muluahi diri Nge meh tahe jema simunengon Entap ni penamaten mupecah kongsi Musara Alun, 07 Agustus 2016

Jebeten oya amanah Gere i emah sawah ku mate Gere daleh sabe pupepegah Gelah mi gelah jema mubetihie Jeroh beterime si gaeh berjamu Jamuten pumu kin silaturrahmi Sediken kiset mudemu uku Wan kersi kayu kunul kekendiri Gere daleh atastu tiak Ike kase mulak mubisei diri Orom jeroh luahni sintak Enti musesingak tangkuhni peri  Leno ni cabang gere mutentu Enti galaktu kin tewahe Narupe dene merawe buntu Nge turah mari we kase ahere I tulung silepas i bantu Jeroh betungu si mutang dele Si emis nome enti i rungu Kati enti museltu wan ralan diripe Takengen, 21 September 2016

Galak si ara nge kin tuah Sawah amanah gerene tibe tibe Rempil si kucak jalin bertetah Musara langkah rum janyi setie Lemi ni senuen sikona basah Pucuk teridah i rilingi bunge Nge siep dirin kire gere mutewah Senggayun ni uah munaso menye Syukur renye kite ku Allah Kire gere mupinah ari dudukni tenge Tempuh semile nge sara umah Lepas berberakah sire bersene Rembele, 10 Oktober 2016

Rasa mujadi basa Kata mujadi peri Sareh i panang mata Nyata gerene wan nipi Roa nge mujadi sara Murum wan sara misi I rasuk kire rencana I Nenggeri Antara male munamat kemudi Bele enti ne ara Mara buge jarakmi Do'a sabe ku Allah Ta'ala Ejet rum pinte boh terkabulmi Shafda gerel i rasi Mampat gerene mucela Urum urum kite amiki Rami rami kite musara Enti mupinah ku kuen kiri Lempang ini jelen nge nyata Kite tiro enti kire muhali Ini nge tepang sibergerel SHAFDA Lime nomor nge nyata Rempak i sone jejari Munamat asa gere nyanya Rata bewene berpartisipasi Takengen, 27 Oktober 2016