Hasrin Zulthain Bersah

Kin bubung gere ilen terubuh Sigatine turuh wanni musim uren Kekire lepas kin taon teduh Rupen gere sunguh kin pelongohen Kin suyen gere ilen nguk Tairdi mulapuk ike i sesuken Gere ter ging pora murantuk Mera ku buruk renye pembeluhen Kin tete gere ilen cacak Renye muderak ike kin kenunulen Gere tehen ike kase begerdak Meradi muremak sekire mutamah beben Kin rering gere ilen terolah Murahdi murebah ike kin seserenen Ike simen kase si singah Renye mubelah meh belepingen Kin tingkep gere ilen lepas Kerna tangak atas turah pemanangen Kusi lebih we sabe sitelas Gere mera tapas kutuyuh penengonen Ike kin pintu gere ilen tegep Renye mulungkep ike tulaken Gere mu pentas terang urum gelep Tutup erep erep gere te patokken Pinangan, 20 Januari 2019

Beluh ni perau wan laut mubentang Kulelah selalu rum waih sitenang Gere sesuken kayu taon layar i kemang Sikerna gelumang berpaong rum kuyu Arih arih i kayuh rum ate senang Luge bertingkah lagu bedenang Kukuen kiri lues mumanang Sesire mubayang taon musilu Memakin kutepi mutamah girang Simunaloi teridah rum pumu i tatang Rempak beriring nge mepat bilang Gere ne musirang siturut payu Renye berlangkah ku batang ruang Alas kunul ampang bedenang Nge sedie atur batang edang Gerene kurang bewene demu Jamupe sawah atas lao timang Gaeh benemah wan lipit ni bulang Jenujung ni pumu wan plastik ilang Rupen bawal berpangang munetah tentu Waih wan cebon nge mutuang Gaeh pengganti cemenca mutatang Kin pembubuh telas oros pedarang Mutamah senang suep ni pumu Siberamin mucengkeh bulang Kerna nge munyeluken upuh berkerawang Siterduru kunul tahe pecengang Osop nge senang nge timul karu Empus Kucak, 11 Januari 2019

Belangi ni supu kin pelongohen Curak ni bubungen berbage rupe Kin peneking benyerre ilabangen Ari porak rum uren gere ne munimpe Papan sitebel i reringen Kin tao seserenen ku tubuh rembege Gergel tete renye i pasangen Kin kenunulen tetemas semile Siturah king kase enti kire lupen Sibergeral suyen turah siep sedie Kin tiange turah kayu pilihen Silepas munehen ari guncangni denie Tiang oya turah bersijegenen Sekire silep kase lupe Enti musampe kase gere munehen Gelah bersiengon enti kire kin bele Pinangan, 14 Januari 2019

Sohni semangat sikerna cerak Luahni sintak gere muaturen Sediken kin bele beluhmi renye jarak Enti ne ulak ku tubuh beden Enti betiak luahni peri Keti enti usik kase simumenge Ike gere bijak simubaca kaji Makin simunyimak setsot kunule I engon paong si nguk kin seserenen Penosop ni lape uak ni gerahen Ike atastu kase penangakken Mupinah uyet gere terulakken Musenik ni rui munaringen bise Murasa ku ate musakit ku usi Enti i kaji buet si gere munge Keti enti mutaso kin barahati

Cerak orop i luahen Gere mepat sana si kin kesimpulen I kunei renye i ongoten Keterangen lagu nge ahlie Pengunen gelah mujeweben Kati faham si kiri kuen Enti ngengom lagu kurik sakiten Orop i tetut taringne taie Enti tangung buku pembacanen Gelah mudele kin perbandingen Enti sunguhtu ku sara karangen Kati pane kite munerjemahne Turah tures mulo penengonen I sertai mien orom tenulisen Ike gere genap kero wan pingen Wan kuren ara ilen tamahe Asal nge turah beta ni kiteni insen Taon ni silep orom lupen Si paling cocok bersiingeten I osah jeweben ike nge ara soalle