Hasrin Zulthain Bersah

Jangan bersedih nak, meskipun rangking mu jauh dari harapan.... Namun kamu sudah membuat bangga dan bahagia kami Ama Ine mu, ketika kamu sudah mulai rajin mengerjakan Shalat, dan selalu berusaha untuk tepat waktu.... Kami Bangga Padamu... 23122015

Ike kam kin reje aku gere galak Nume kerna gere mampat bekerenem pirak Nume kerna morom jarang bepawak Tapi nge tikiktu buet kullen cerak Ike kam kin reje aku gere suke Nume kerna kin paong gere setie Nume kerna jarak hubungen sudere Tapi pintu ni umah jarang beruke Ike kam kin reje aku gere rela Nume kerna gere i betihi jema Nume kerna sepuh delenen gaya Tapi nge gatinen beluh ku luer kota Ike kam kin reje aku gere sepeden Nume kerna gere lepas kin tenelen Nume kerna ari toa atau ari uken Tapi kerna meradi mukemang bilaken Pinangan, 22 September 2017

Ibu.. maaf telah membuatmu kecewa.. selalu membuatmu menangis.. selalu membuatmu lelah.. dan selalu membuatmu resah.. maafkan aku anakmu, yang belum bisa memberi apa-apa untukmu.. Aku hanya bisa meminta.. tak pernah sedikit pun aku memikirkan perasaanmu.. Aku tahu Ibu.. dalam senyumanmu, selalu tersimpan rasa sedih yang tak pernah terlihatkan olehku.. Maafkan aku Ibu.. Jika engkau menangis karena tutur bahasaku Aku mencintaimu Ibu.. #TerimakasihIBU Pinangan, 08 Oktober 2015

Dele si menet berkerenem pirak Se nge mungenali sudere mumerahi biak Ari pematang sawah ku tanoh ledak Sesire besisu cerak cerak kucak Sikuen kiri nge timul galak Nge beriring sire besurak Ara seba mumutihen salak Macam berbage merek ni bedak Olok simen si munemeng ceracak Ringkel kampung nemah awal tasak Jujungen keramil simusantan lemak Tene bersudere jerangen kolak Simujurahpe gerene betulak Simujangkope gerene munyintak Simureta dele itamah martabak Keta sigemade demu awal tasak Tangkuh ni laing gere munyergak Harapen i osah gere bertiak Bier kunehpe belangi ni salak Mepat rupe si mampat bebedak Pinangan, 13 Desembeer 2017

Ike itunung tewah ni cabang Mera musirang ari batang perdu Ike leno gerene bertupang Mulelingang iyupi kuyu Ike i tunung naru ni dene Gere musampe ku taon musilu Ike gere betene kase jep simpange Museruk wan langkah selalu Ike i jangko renye si jurah Gere teremah tenemeng ni pumu Ike iarang bewene siosah Mupinah dayung kuduru Pinangan, 19 Januari 2018

Reduk ni lao mungalei uren Keleton bermenye sesire berdediken Emun siturun berkekulen Senuen macik penampi Pancang ni kayu kin seserenen Geh murai jorol ni senuen Pinte ni pucuk kenak murilingen Kin tungkelen tubuh si lesi Beret nemah penuripen Uah mutewah bersenggayunen Musingkih kayu harapen Murebah selalu ku bumi Gere sige bang kenunulen Nge muloi meri tali iketen Gere sangup basahi uren Rengang pasang ni baji I daringi lao bange gere tehen Mutetur kayu tungkelen Arih arih munaringi senuen Mupolok gere ne te sali Pinangan, 06 Nopember 2016

Nge meh usik simumenge Nge lagu rara nengon kemiringe Si tukang serit macikdi atewe Cerak gere mupendirien Bage bage sicongkelie Umah ni onik pe renye jolokne Menetdi nge mutemong ulue Nge meh uak sapu nise i inumen Roa mejen nise ulue Gere terpecayai sanahpe cerakke Gere tetunung sanahpe buette Ike mudemu kase tir renye kiseren Mera mudelam nise buette Kuso berabang kini amaie Ike soal cerak nge lagu ahlie Nge lagu tungir wan usi ni beden Pinangan, 16 Februari 2016

Gere ne wan gelep kiding mulangkah Gere ne gunah sekire begedep Se nge telas bewene teridah Kire gere ne salah ku ate mulikep Nge ara suluh penerang ni jelen Nge ara bebayang kin paong selalu Gere ne bimang nge mepat tujuen Orom apit kuen tetemas besisu Orom bintang gelah sepeden Pakati ulen kin paong bepakat Itetah cara buge musampe ku tujuen Simale i kenakki buge lepas i amat Timang Gajah, 22 Februari 2017

Si berasup olokdi rami Wanni spanduk kite panang nyata Nge terpancang jep jep sagi Munetahi negeri beta mulo rencana Kin penene ku bewene famili Kati enti sangsi sahan die oya I bubun poto orom identitas diri I tamahi mien kekata sibermakna Olok di simen ike langkah ini Lagu murami si mungenali bendera Ike si behu keta ralan kekendiri Ku biak famili i taringen kekata Ku ama ine gelah mi hati hati Enti salah pari kase kartu nama Ike dediang gere daleh i mai Sikerna orom sudere udah kase mubeda Tikik harapen kusi kuen kiri Enti dewe dawi bierpe mubeda Enti kire metus kase silaturahmi Orom sudere diri enti sampe nyanya Pinangan, 01 April 2017

Sisu denem mujadi rinu Sebuku mungalei ate Cerak pemulo musemet naru Mudemu we turah ahere Laing ni seset lagu mentalu Semelah ni atu tasonne dirie Kekire macik i dedere karu Musampe kedie simumenge Nge berjamut jurah nipumu Kin jamu kunul wan ate Mujadi tuah bang bahgie si musilu Musara perdu rilingi tangke Kin penguet munetah tentu Mukalam ganti ni basae Pembene ni bimang penosop ni ragu Kati mutuju se perasinne Pinangan, 09 April 2017

Simen asal si tengah i tetah Oya kati kusi mutenah gere ilen musampe Buet nge sabe wan langkah Gere ilen sawah teniron ni ate Kekire sabe wan ni gunah Buge gere sesanah wan waih si ku lipe Tali si besemet kire gere muluah Bier nge teridah tene simerie Tenason gere ilen mupinah Jeroh  besikah wan ikot ni tape Gere teresot gere tepinah Wan alus ni kesah nge musara taonne Paya Rabu, 11 Mei 2016

A sam Gayo nge teridah mien I Kute Takengen belangi mu pari Keprok Gayo gerale i bubunen Nge beraturen inih i Paya Tumpi Iwanni empus cocok i suen I elem elemen oyape mujadi Enti ne sangsi bewene serinen Renye i suwen i seselang kupi Rasae lungi gere terlupenen Kin inget ingeten sampe kin nipi Kulitte ijo mukekuningen Uah mugantungen simen penadi Ari besilomi keta kite mulon Inihe i angon entimi ne sangsi Ike asam ini nge jaminen Keprok Gayo oya nge pasti Buge megahmi keta lagu jemen Sabe kin kekunen oya asam aseli Enti ne lale kite enti lupen Enti i ongoten renye i suenni Pinangan, 25 Agustus 2019

Turah i bedanen sesi kayu sesi suyen Sesi betebang sesi bersuen Si nguk kin tiang orom pelongohen Ike poraki lao rum basahi uren Turah i betihi sesi bintang sesi ulen Sesi siterang sesi mukelpoten Si nguk kin bebayang pong perjelenen Sekire jarak kase pelangkahen Turah i betihi sesi dengan sesi serinen Sesi paong bersisu sesi paong berpeden Si sara rasa sara sepenangungen Sekire wan nangkok ataupe pengilihen Turah i betihi sesi batang sesi perdu Sesi mucabang sesi selalu Si tetap mupancang bier emusi kuyu Sekire runcang kase bade muderu Turah i betihi sesi konot sesi naru Sesi kin penikot sesi kin penegu Si tegep munyemet ku punce mudemu Sekire singket gere luah selalu Turah i betihi sesi ines sesi pelu Sesi si murues sesi si mutungku Si bulus teles lesuh mutumpu Sekire gere tures panang mutuju Takengen, 22 Agustus 2019

Nge telas mien seni Palang Merah I Bener Meriah nge mukeduduken Mepat nge jemae si munamat amanah Urum izin ni Allah besilo nge pelantiken Bapak Bupati renye munyerah Jamut ni amanah pengurus mujangkonen Unsur Muspika bewene teridah Munucepen selamat bergegantinen Kin Ketua Armiza Bersah Munzir MD Remantan renye kin apiten Yuliana Kasni si munaso selpah Si nge siep turah nise pengemasen Dele program si male i olah Sesara i tetah renye i bueten Nge sara ikot gere ne mu leluah Kire kase sawah sana si rencananen Mitigasi bencana oya si turah Renye i tetah cara pencegahen Ku biak sudere enti kire mu musibah Buge musebelah bele rum kejadien Selanjute keta donor darah Gere ne susah si kekurangen I siepen kantong sesara i osah Ku si bermudah rayohe i sumbangen Dele ilen asal si male i tetah Sesara i papah ku wan kenunulen Musara pakat kase urum pemerintah Bugemi sawah kase ku tujuen Bener Meriah, 3 September 2019

Menatap buah dalam ikatan tangkai Tak teraih Tak tergapai Menunggu galah.....? Toh kayunya saja belum kelihatan Mengharap tangga...? Ah, sudahlah Berapa banyak lagi anak tangganya harus dibuat Kurang tinggikah Kurang kuatkah Sehingga buah itu harus dimiliki mereka yang punya sayap Tak seharusnya hentakan itu bersuara Cukup di hati saja Mereka peduli Mereka simpati Karena buah itu milik kita Pinangan, 3 September 2019

N ge mari munutu meling mien lusung Gabuk ni tepung wan ayak ayu Sino ku jingki mutupang gantung Rupen berketibung wan waih lalu Nge munge umah meling mien pepalu Gerle ni supu simujadi bubung Panang ku suyen nge sesuk behu Rupen kayu menet mien muyamung Nge rede uren meling mien gegur Gintes ni baur simuiring naru Tangak ku langit cahya mutabur Rupen munyentur sigere betudung ulu Pinangan, 22 September 2018

Sesuk munyerei rering Suntuk pebening rum naru ni kekire Munangak ku emun beriring Lagu mujening pikiren gerico Jarak pari mupelanting I geniring taon semile Longoh gere kona luding Kuyu mulempusing si gati munyino Harapen sesara muleping Gere ne king musara cerite Ulak beluh si mewen taring Mujadi keruping pulihni luke Mulentayon gaehni laing Ku tenenge luting ku ate muserbe Seruk munemah giging Sunguh sinting enti kin bele Gelumang kucak mubering Laneh munenting waih wan buke Melas munampi i geniring Ulung si kering  si mujadi tene Empus Kucak, 26 September 2019

Eaaaaaa... Kursi nge mepat, pulpen nge muloi i amat, si jarak jarak nge muloi dekat, ling si tangkuh sebelem terpilih turah i amat, kene jema tue kati enti kase kualat... Attaaa... Motor dinas pe nge tesaran, gelah gati gati turun ku lapangan, enti mubetih informasi turah ari koran, entong entong tempat pemilihan, kene jema tue kati enti meh isi kulit tekaran... Jangkon.... Selamat kunul keta besiloni Enti lale kunul wan kersi Gaeh gaeh ku kampung ni kami Udah ara sempir ni aspirasi Pintu ni umah enti dor bekunci Ike ara langkah mera we geh kami Muningeten janyi sipenah ipeperi Selamat Kunul Bapak Ibu Anggota DPRK, DPRA, DPR RI orom DPD RI  Pinangan, 02 Oktober 2017

Wan lao porak geh ni uren Wan begegalak kerut seliben Buet sikucak i kaolen Munaos sonek we kekiree Gere mepat ujung urum ralik Luah ni cerak mubebalik Simumenge berate macik Ike i lewen mubah poromme Buet jeroh i pesalahne Cerak nasehat gere i pengenne Buet ni jema i cecongkelle I koai ilang salakke Mejen jeroh nise tingkahe Cerak berakah galak ni atewe Sana si tiro renye osahe Ku kuen kiri jurahne pumue Pinangan, 03 Oktober 2017

Bayak kite i denie Semperne jema munengon Bewene mujadi percume Ike gemade i akherat puren Perintah sawah ku kite Enti lupe kite bueten Gelah muninget waktu si lime Oya tene te jema berimen Sunah ari Nabi te Oyape kire kite tunungen Terang si kin suluhte Nge sedie Al Qur'an i pedomanen Nge tepat taon mungune Ara ulama si kite pengenen Musier bang kase langkahte Tair nye bidik kase muningeten Atas pe kase sesukte Kunulte turah sara seserenen Bierpe dele kase retate Nemah ulakte sana si amalen Pinangan, 05 Oktober 2019

Pegenyur mubujur i alam alamen Peregang tegang tali ni jemuren Murerut gasut benang i elangen Gere mepat sana si bueten Musintak porak lao male uren Mubalut kedut ilangit beriringen Nge galak kekanak sire bertulaken Gere usik ari kenunulen Pebening sinting relemni pemikiren Petungkuk suntuk dagu i tupangen Mupesir mudesir laing mulentayon Kusa die male kadunen Pinangan, 12 Oktober 2017

Keinginan untuk berubah selalu ada, tapi untuk saat ini cukup nikmati yang ada. Mempertahankan yang ada saja sulit, bertahan dengan apa yang ada, sudah cukup baik. Perlu banyak tangan jika ingin mengangkatnya keatas. Perlu banyak pikiran jika ingin menghasilkan solusi yang cerdas. Kalau sekedar membaca apa yang tertulis, semua mampu. Tapi untuk bisa menerjemahkan dan memaknai kalimat demi kalimat, butuh kesungguhan dan keyakinan. Apalagi kalau sekedar berbicara, tanpa mengerti dan memahami persoalan, hanya akan memperkuat dimana posisi kita sebenarnya. Akhirnya.... Seperti menyusun abjad, tak ada tawar menawar untuk memposisikan diri. Jika ingin diawal, buatlah kalimat yang mudah dimengerti. Pun seperti angka, tak perlu menyingkirkan yang hampa, tapi jadikanlah sebagai penambah jumlah yang ada. Pinangan, 22 Oktober 2018

Empusni nume empus kolak Tamah mien tempatte jarak Ibarat ruje layar sedemak Taonne mujejak munete nete Senuen si ara orop mupacak Kuduk ni jamure gere berjerjak I pantik kayu kin mubenyer rempak Meh muruntak metus mien penikotte Rupen ku uwah si dele we begalak Tair i tupangi bierpe muselpak Pora mukarit renye i sewak Lagu si tunyak sana tenironne Olok mubeda urum batang si kucak Gere kenah ate bierpe uwahe lagak Munetahie sabe bertetulak Kin nemah ulak udah gere dele Gemboyah, 22 Oktober 2019

Anakku... Harapan itu masih tertuju untukmu Tumbuhlah besar menjalani hidup Yakinkan diri tuk meraih masa depan yang indah Percayalah Kasih sayang ini akan selalu tercurah untukmu Anakku... Di hari jadimu ini Engkau akan semakin mengerti akan hidup Anakku... Jangan abaikan perintah Tuhan kita Karena dengan Izin-Nya semua ini terjadi Selalu pasrahkan diri dalam do'a Yakinlah Akan ada bahagia nantinya engkau dapati Anakku... Dalam do'a do'a kami Semoga engkau sehat sehat selalu Jadilah engkau anak yang shalehah Pinangan, 28 Oktober 2018

Segan asa nume terih Basah gerene kerna waih Jeroh numene bersih Teriwih nge turah terduru Ilmu si ara renye i bagi Buge puren lepas muarti Bengis ni kami asa nume benci Kaseh rum sayangni oya si tentu Mutamah bang pengetahuen Oya kati ku sekulah renye i julen I didik kati lepas mubedanen Perbueten jeroh rum tingkah laku mutentu Pepok gere beralih Muneles gere bergelih Senawat gere berpurih Kati enti terih sekire mudemu Tapi besilo olokdi berubah Ku jema tue bidikdi sawah Pora mugecep kase i sekulah Sampe ku mahkamah sabe i tetalu Jeroh asa peraturen Kati enti sisalah kase i bueten Cumen lagu olokdi nge igarisen Gere terperinen nge turah nupangen dagu Timang Gajah, 22 September 2018

Tingkah ni anak pora ku kaji Olok nge rusak i jemen besiloni Segele buet gere ne terkoai Gere mubetih patut orom kemali  I sekulahen ari kucakmi Nguk munaos ulah nge wan kaolni Nge gatinen jejamah dari pada ngaji Meranen pugegolah sire nonton tivi I belinen hp kati temas i hubungi Tair bekeber ike ara hali Nomor i tuker renye beganti Nge pentingen paong daripada urang tue diri Beloh bediang i lao mingu Munemengen biak nge kujung kuralik So budaya luer nge dabuh i tiru Arap siberet mata rerenyel berulik Pinangan, 22 September 2018

Sipet kotek bage curakke Macam berbage ike i perse Sesara keta cuge iselese Gere mehat kase udah ara i kite Tair nye bidik kelehen tempatte Enti musampe kin paong setie Gere galak i engon jema dele Kin ceraken sabe gere munge munge Sipet PENJALU gati kite penge Galak di atewe ike jema bedewe Kuso i serukne kuini i porakie Ike makin beranye we munepokken dede Sipet PENDELAM oya keta mienne Gere gip bedae lagu ruje peningo Sipenting muwujud nise tenironne Buetne bewene bierpe mungersatti tume Sipet PECOGAH renye selanjutte Sitangkuh ari awahe unang cerak mulie Lencem ni bibir sawah lemutte Rupenpe sisawahne munaringen tube Dele ilen sipet si kotekke Ini padehne mulo sikite cerite Ike cerakni nge delen salahe Keta sibenare sederen renye Pinangan, 17 Oktober 2019

Pecengang bimang iwan pepantaren Mulingang temerbang keleton beriringen Setimang pasang sire beruren Terkenang mien masa si lalu Munyeder keber berunger wan tengah melem Belejer muger iwan uten uyem Jinger tempier nge muloi pejem Teringet mien kin paong belagu Nge jarak biak ari sagi ni mata Nge nadak tulak i wan jelen rata Nge mayak mudoyak taring ampa Kusa male aku mungadu Nge senang girang ara si berate rela Nge tenang gelumang gere ne munemah mara So bintang terang munemah cahya Ara ilen rupen mulintes paong musilu Semperne bahgie ku ate murasa Nge sedie sudere kin paong si nyata Bahgie denie kite tiro ku Si Sara Buge jeger bewene serinenku Mutuju mutumpu do'a ku Empu Ni Donya Seteru selalu renye manut ku toa Selalu munuju gere mujadi mara Bahgie kire musampe ku kite mutentu Pinangan, 08 Oktober 2015