Hasrin Zulthain Bersah

Ini tikik kekata kuluah Cerak sara patah peri sara kalimah Udah kase ara si salah Tabi ku tiro maaf kujurah Orom Bismillah kao ku rai Orom izin ni Allah renye ku mai Sikerna ku kite nge sawah janyi Setimang pasang mujeleni muripni Susah senang nge kite rasa Temas nyanya nge kin hiesen Syukur rum ikhlas i kite turah ara Nge kin penguet ike ara kejadien Keta kin aku entimi kao gunah Bierpe aku mera berberakah Gere ku perah ni nong tamah Nge genap sara kao kin pake umah Ike kin aku entimi kao curiga Bierpe gati becerak orom jema I ateku tetap we kao sara Gerene ku perah si bergerel isteri muda Asal beluhku soboh ulakku ruhul Sikerna buetku merah oros sekemul Bierpe buetku mejen murakul rakul Tete i umah tetap taonku kunul Ike kin aku enti kao sangsi Bierpe langkahku mejen kuso kini Genap kao sara cinta sejati Apalagi nge ara ni kite buah hati Paong kedik dele kudemu Penosop ni macik uak ni karu Paong mongot kao we engingku Taon mungadu sire berse...

Anakku... Sesara mutamah bilangen umurmu Nge berkaul asa kucakmu Nge naru keta ri konotmu Besilo nge siwah tun keta perumurenmu Anakku... Perakalenmu se nge mutamah Nge ibetihiko sesi jeroh sesi sisalah Nge mubetih abcd i wanni sekulah Nge mubetih alif ba ta tsa i wanni mersah Anakku... Gelah jeroh keta tingkah lakumu Enti kire salah perbuetenmu Ini amanah ari jema tuemu Gelah muarah kase muripmu Anakku... Ibadah mu enti sampe taring Al Quran rum hadist bun kin pembimbing Enti kase tingir kao ku geniring Wan uren porak enti kase beluding Anakku... Galakmu bahgie ni kami Uesmu pongot ni kami Anakku... Do'a ni ama ine sabe munulesiko Munatangen pumu ku Allah muniro Buge terkabul sana sipinte Denie akhirat buge bahgie Lailahaillallah Muhammad Rasulullah Jegermi anakku mutuah Umur lanyut rejekipe mudah Pinangan, 28 Oktober 2016 Selamat Ulang Tahun Anakku Safira Athariya

Dik.... Delapan tahun yang lalu, aku ikrarkan jiwa dan hatiku untukmu, dengan Bismillah kita dayung perahu cinta kita, mengarungi kehidupan yang penuh riak dan gelombang, bukan tanpa badai pun buih buih yang terkadang merampas mimpi kita, kita tetap tegar... Dik... Delapan tahun aku dan kamu menjadi KITA, kita samarkan beda yang ada, kita tegakkan tiang kasih kita yang kadang terhempas angin, didera hujan dan terpanggang matahari bukan tanpa air mata, tawa canda, duka bahkan luka, kita tetap tabah... Dik... Delapan tahun warnamu dan warnaku bersama, satu dalam beda, yang kita rangkai menjadi pelangi harapan kita, bukan tanpa resah gelisah bahkan curiga, kita tetap sabar... Dik...Semoga Aku dan Kamu tetap menjadi KITA   Ya Rabb... Panjangkanlah umur kami, sehatkanlah kami dan mudahkanlah rejeki kami... Ya Rabb... Lindungilah kami dari segala kejahatan baik yang terlihat maupun tidak.. Takengen, 06 Desember 2014

Pesan yang tak terbaca Terbang bersama angin yang menderu Pesan yang tak terbaca Mengalir bersama air yang keruh Pesan yang tak terbaca Dibekukan panas Dihangatkan kabut Yang menyeruak di sepi malam Gelisah bumi pisahkan jiwa yang lemah Tangisan langit tumbangkan pohon kehidupan Pesan yang tak terbaca atau memang tak mau dibaca... Jagong, 08 Desember 2014

Perempuan itu ku panggil Ine.. Tak banyak yg dapat ku ceritakan tentangnya Karena semua yg di berikannya adalah keikhlasan Semua yg di curahkannya adalah kasih sayang Perempuan itu ku panggil Ine Air matanya adalah do'a Tawanya adalah nasehat Satu yang paling ku ingat Ine selalu mengingatkan anak anaknya untuk Sholat kapanpun  dimanapun Timanggajah, 22 Desember 2014

Ada 3 hal yang paling aku suka di muka bumi ini. Matahari, bintang, dan kamu... Matahari untuk siang hari, Bintang untuk malam hari, Dan Kamu .. untuk selamanya # formywife Hayatun Atun

Anguk ni teniron isalupi resie Tason wan dede simunimang rasa Bersikah jeroh si kin kekire Dedemu i punce sigere mucela Jarak i pepanang rap i sesino Sareh nge nyata tures ku mata Agih siara lepas kin penene Gere mukulukie jeroh berperala Si kin tuah mujadi bahgie Sinipi jege nge teridah nyata Alus ni basa i wanni sene Kin peri mustike munaso makna Sikerna uah cabang muleno Simetuh ruluh urum ate rela Bepeltek lemut kutangke muniro Engkip ni rege munurut masa Munyatai pelongohen ku langit ijo Sisunguh mutene ku lues ni donya Ku reduk mutumpuk mulintesi senye Muiringen naru munaloi cahya TIMANGGAJAH, 18 Oktober 2016

Teger gere mepat Pora i regos renye mukerat Kin papan gere tegunei Makin kin suyen selo mujadi Unang unang faham we bewene Turah si nisea we sibetule Si cerak ni jema tungkahie Ikunei gere ara solusie Becerak meradi jengkat Tue mude renye i dis ne Lagu gere penah buku i amat Gere tamat bang nise pengajinne Gere sekidahpe we bewene Orom sikuen kiri enti kire mucere Enti munegeren diri ku jema dele Puren tetap we kite mate Jeroh we kenakke muripte Enti murah umping renye kin dewe Wan muripni dele resie Serloni ku jema lang ku kite Takengen, 26 Oktober 2015

Kao le bunge si mampat kin sunting Male ku sunting iwanni kekire Buge bahgie ku kite muriling Musara laing sabe ku tiro Lemutmu berperi bengi murasa i dede Belangi ni rupe sabe ku kalei Singah wan nipi galakdi bersene Buge kin tene kase muarti Jeroh berosah semperne beterime Gere kin sene laing ku siluah Buge kin tuah ejel niteniro Wan duduk ni tenge sepupu sepapah Emun siturun munaso nami Tawar ni bumi mubasahi senuen Nge kutason rinu wan janyi Gelahmi kin saksi wanni perjelenen Taon besere kenakku puren Kin pelongohen kire musampe Uak ni lape pemulih gerahen Kutumpun harapaen ku kao ahere Takengen, 20 Januari 2016

Assalammualaikum pemulo kujurah Ku ama ine bewene sudere Ini kekata tikik ku luah Buge kire ku kite mugune Ari datu muyang nge musorah Besilo sawah renye ku kite Opat sumang jegei turah Buge gere salah kase wan denie Si pemulo sumang penengonen Juah ni mata enti ku son son Sigere perlu enti i engon Siluis kumata enti bueten Sikedue sumang pelangkahen Pantas ni kiding enti tunungen Enti munuloi si kin larangen Sinume singkite enti i amikken Siketige sumang perceraken Luah ni sintak enti sembarangen Panang ku kiri engon kukuen Sigere pantas enti tangkuhen Sikeempat sumang pengunulen Kusiberet mata gelah munengon Sara terduru sara teruken Enti demu uku kase urum tuen Oya mulo silepas kusawahen Kin dele tikikke kase bersitamahen Kin betul salahe keta bersingeten Buge kase nguk kin teleden Takengen, 18 Nopember 2015

Berganti lao mupinah ulen Besilo nge sawah ku ujung ni tun Rede kemaro sidang renye uren Osop ni matalo gehni kelamun Olok di sedih ike berganti tun Mutamah tue umur ni denie Enti kire lale kite wanni ayun Janyi ku si Sara enti sampe lupe Arih arih matalo mupinah arah tangkuhe Enti lale kire kite kin sisu ni denie Amal ibadah oya simehate Kin bekal puren ike nge minah ton nomete Takengen, 31 Desember 2015

Reduk ni lao munemah uren Taringne nami i ulung ni senuen I ujung ni pucuk bersenggayunen Olokdi simen si bergalak ate Telege si kering nge misi mien Gere ne besemet tali penibuken Mata ni wih nge muke mien Berulen ulen nise jarille Suderete si jarak se kite engon Olokdi nyanya ike kite perhatinen Geh ni wih mera mulon lon Gere ara uren geh munyingahie Nge teles rige se tubuh beden Memakin kering bier ibasahen Wih si tikik turah i baginen Kati biak serinen mubineren matae Keta seni ku kite bewene insen Mata ni wih enti sampe berosopen Uyet ni kayu ike kenakte musimen Enti i tebang keta oya batange Takengen, 24 Oktober 2016