Hasrin Zulthain Bersah

Kelibette kadang teridah Mulangkah iwanni senye Mudetak kuate munaringen gunah Telas benemah mujujungen resie Muketike tene berosah Gere bertenah gaeh ni si mujule Mujangko asa gere bejurah Mubekas ni langkah wan melem bute Kayu bang simurebah Bertingkah tewah mugerle Rum seserenen atu nge musebelah Mupinah taon muniro Tingkep gati muperngah Muluah kekire wan dede Pemanangen gerene muarah Sisingah nume ne singkite Pinangan, 28 Maret 2017

Ke gere muterkuk senuk rum kuren Selo kire tasak penjerangen Laing mukertuk aduk kiri kuen Bersisauten mungalei ranas Ike gere muserempuk porak rum uren Selo kire sawah pesam nibeden Tene teridah segegik ringisen Penawar i inumen kati gaeh temas Kegere lepas uah i jangkonen Selo konot ni tubuh renye kin ceraken Naru ni batang turah i renahen Sige sesuken kati musampe ku atas Ike gere sawah isi suketen Selo renye turah are i tukeren Dele tikikke asal nge kin ukuren Turah timangen kati jelas jelas Kegere berering umah i sidingen Selo kuyu siberemus renye i salahen Kin sejukke ike gere tehen Turah ampisen bierpe rum tepas Paya Rabu, 25 Maret 2018

Engi... Konotmu nge bernaru Kucakmu nge berkaol Besilo kao nge kin tupang tumpu Taon besere iwanni kunul Engi... Mubilangen kire ni umurmu Muganti tun si nge berlalu Kin langkah selalu kire gere museltu Jelen lempang gere ne muleliku Engi... Tige puluh tun besilo umurmu Wan sara tamunen kite musilu Do'a mutentu ku kao sabe mutuju Lepas semiang kami tatangen pumu Engi... Kite tiro buge lanyutmi umurmu Jeger jeger sabe tubuhmu Musampe bewene tenironmu Bahgie iwan muripmu Pinangan, 22 Maret 2018

1.      Titok/Keleng Generasi Paling Tua 2.      Rekel                  : Turunan dari Titok/Keleng 3.      Entah                  : Turunan dari Rekel 4.      Muyang               : Moyang, di bawah Entah 5.      Datu                  : Para datu-datu adalah di bawah moyang (1 s/d 4, sudah termasuk leluhur) 6.      Datu Rawan         : Orang tua ( bapak dari kakek ) 7.      Datu Banan          : Orang tua ( Ibu dari kakek ) 8.      Awan Pedih  ...

Awal ni peri berpemulon Beraturen mujadi kekata Sitermulo bun kin jelen Keta siterpuren munaso makna   Enti iluah laing mulentayon Gere mehaten ara musidang bela Si kin tawar gelah sipeniron Kati sepeden enti mucecela Beta delewe mureronton Taon bersenggayunen mehat we sara Ari deleni cabang ceding mutetewahen Si kin tunungen enti mubeda beda Murerungke asa keturunen Jarak wan panangen gere tures ku mata Bebenyer mampat munurut bilangen Gere berulon ulon gelah musara Aher ni cerak berkesudahen Bersijamuten kubewene rata Kusi mulo do'a i kirimen Sudere serinen murum berperala Paya Rabu, 25 Desember 2017