Langsung ke konten utama

ABANG KUL

ABANG KUL

Jejak ni saka memejen begerdak
Kerpe mulewas waih mulimak
Besilo nge dekat si biasae jarak
Munemah galak ari uwes ni ate

Taonmu si murime se nge terang
Penaru ni murip nge jarang jarang
Gere ne ara taon berdiang
Nge meh lapang gerene mukerpe

Ari kerna nyanya i wanni uten
Besilo turun ku perkampungen
Nge musepit ari kiri kuen
Kusi kadunen gere ara simumenge

Gere ne ara si berate galak
Tempat betunah gere ne ledak
Waih si kaul nge muloi mutemak
Ikepe ulak isi nge taonne

Luwes mata mumanang 
Isi ni rime nge meh kabang
Kayu si kaul nge betebang
Turah muang si emis nome

Gaeh ni abang kul kin dedediken
Kuso kuini kin bienen
Olok di sengsara tubuh beden
Gere terperinen kune nyanyae

Nge meh gelana si kaul kucak
Wan perjelenen dele ni rerak
Mupitet ni dene urum arul kolak
Nge meh nadak kusihmi belohe

Muiringen rami wan gelep terang
Berulon ulonen munuju pematang
Si munetut memakin runcang
Olokdi sayang meh mucere bere

Isihmi die rime si mu uten
Isihmi die waih nenirinen
Isihmi die kerpe pemanganen
Makin ku son son osop bewene

Ku pemerintah enti ongot pelin
Nasib ni Gajah gelah i perhatin
Uwer si luwes gelah i jadin
Kati enti ngengerin rakyat si dele

Pinangan, 12 Desember 2019

Label:

Komentar

Posting Komentar

Postingan populer dari blog ini

AKU DAN KAMU

Dik... Sepuluh tahun sudah aku dan kamu menjadi kita Dalam ikatan suci kita berikrar tuk saling mengerti Kita biaskan warna yang kita punya Kita samarkan beda yang ada Karena kita percaya Cinta ini memang milik kita Dik... Perahu yang kita dayung kadang tak searah Tak luput riak gelombang kerap menerpa Bahkan menjauhkan kita dari pantai harapan Namun kita percaya Tujuan kita masih tetap sama Dik... Rasa yang kita tulis masih terpatri di hati Menjadi janji di lingkaran jiwa Terus tumbuh bersama tawa dan air mata Karena kita percaya Di tulusnya ada ikhlas tuk saling menerima Dik... Terimakasih telah mempercayai aku tuk mencintaimu Terimakasih atas ikhlas dan sabarmu menjadi Ine dari anak anak kita Karena aku percaya Engkaulah tulang rusukku yang hilang itu.... Pinangan, 05 Desember 2016
Posting Komentar
Baca selengkapnya

ENTI TUNUNG GALAK

Cerak ike nge luah nume kite ne empue Bijak asal awah ate turah mupetimange Resie ike nge musorah ku mara kase beluhe Benar orom salah teridah we ahere Kiding ike nge mulangkah gere ternyatai isi bekase Sangka siserapah mugerbes meh kerpe Jingket kiding semelah tiwel pembeluhenne Ike teduh kase singah murebah taon besere Waih ike nge musoah mutemak bier ipitetpe Sompong si muperngah i olah kune jerohe Tetajuren turah betetah kati sawah kase teteppe Keni Ngenakken engkip gelah siep buh penibukke Pinangan, 04 Desember 2016
Posting Komentar
Baca selengkapnya

MERAHI TUAH

Dele si menet berkerenem pirak Se nge mungenali sudere mumerahi biak Ari pematang sawah ku tanoh ledak Sesire besisu cerak cerak kucak Sikuen kiri nge timul galak Nge beriring sire besurak Ara seba mumutihen salak Macam berbage merek ni bedak Olok simen si munemeng ceracak Ringkel kampung nemah awal tasak Jujungen keramil simusantan lemak Tene bersudere jerangen kolak Simujurahpe gerene betulak Simujangkope gerene munyintak Simureta dele itamah martabak Keta sigemade demu awal tasak Tangkuh ni laing gere munyergak Harapen i osah gere bertiak Bier kunehpe belangi ni salak Mepat rupe si mampat bebedak Pinangan, 13 Desembeer 2017
Posting Komentar
Baca selengkapnya