Hasrin Zulthain Bersah

Nge mepat empu ni sunut Sanati muringut salak sisingah Nge teridah si berwauk punyut Meh kerut seliben awah muperngah Si kin paong turah si bijak Pane bercerak lepas munetah Bierpe rupe mubeda bedak Tetapwe cacak jema simunerah Enti munilok ike gere telas Ike olok i atas enti lumpeti Si perlu i kaji sipantas pantas Ike si gere jelas renye kunei Gere mugelumang mulak cerak i luah Kin petuah kire ku si mumenge Enti i jangko ike gere i jurah Kati enti salah simunerimee Takengen, 04 Agustus 2016

Kutetah langkah orom bismillah Ku osopen gunah kurai rejeki Arih arih kukayuh kulelah Iwen siemah buge kase misi Beluh ni perau wan gelumang kucak Kin penulak emusni kuyu Sesire sesuk jele kusempak Kin nemah ulak kire ara kenakku Kutama doran kurentang naru Doape mutuju renye ku SiSara Kuteterkuk luge ku beden ni perau Ketike mulangku buge ara kase kona Dedemu i lah rejeki pe ara Tikik delewe oya biasa Syukur gere mari mari renye ku SiSara Doran sikutama arawe kona Rawe, 30 November 2016

Anakku.... Gaehmu kerna italui Wanni sebuku musara ratip Musapat bang wan sara kenduri Musara perdu wanni murip Anakku.... Sawahmu kerna berai Wanni nipi arawe teridah Berdo'a bang kire gere muhali Beramin buge gere mukekunah Anakku.... Kunulmu kerna bepari Wanni kersi taon sedie Muteleden bang sana sikaji Muarti kire mugune Anakku.... Mampatmu kerna belangi Wanni janyi asa gere mukalam Berules bang kire mubudi pekerti Berseriet porak lao kelam Anakku.... Remalanmu kerna itonai Wanni bumi kiding mujejak Musesier bang kire kase enti Mupedoman rum berperi bijak Anakku.... Kin pedoman Al Quran rum Hadis Nabi Buge selamat denie akhirat Segele buet buge muarti Betihi diri enti kire sesat Takengen, 24 Nopember 2016

Hemh.... Topeng topeng mulai di gemari para petualang politik menyamarkan diri entah untuk keberapa kali berganti rupa berganti warna berganti orasi untuk sebuah solusi atau sensasi Hemh..... Ramuan politik kini semakin diminati berganti resep berganti mantri hidupkan kembali nurani yang mati untuk negeri atau koloni Hemh.... Tiang tiang politik mulai dipancangkan kibarkan bendera untuk jati diri berganti warna berganti lambang untuk sebuah posisi atau sakit hati Takengen, 19 Agustus 2016

Kopiku kupi Gayo Yang tumbuh di sela bebatuan Menyatu dengan rerumputan Hujan dan kemarau adalah teman Kopiku kupi Gayo Tak terkemas tak terbungkus Tak terpengaruh dengan label yang ada Jauh dari kepalsuan yang mendunia Mengatasnamakan asalnya Kopiku kupi Gayo Kini menjelajahi dunia Tinggalkan pesan lewat aromanya Inilah kupi Gayo Takengen, 19 Agustus 2016

Jengkal tingen si sawahe Kati mepat ukuren si kite empue Kin penyipet sikurang lebihe Naru konotte kite turah beterime Suket tingen si engkippe Nume kin kite keta silebihe Enti i kaji tikik delewe Simehate oya rejekite Anyung tingen si sanguppe Gelahmi kuyu kin penayange I tetah atas renahe Ike kase mempaspe gere ne kite gerle Kuruk tingen si lepasse Bekekire ike nge mepat relemme Enti besapih ike mutumpu kase Oya tenee nge turah rede Luah cerak gelah ari ate Ike awah orop munangkuhne Gelah i timang jeroh geree Kati simumenge gere murasa bise Perumnas Antara, 14 September 2016

Muretep ni ikoten sikerna meri Metus ni tali mucere punce Kin penyemet gerene tergunei Gere ne tersali rum upuh ruje Kekire wan ate temeh mupari Nge kin janyi betaso i dede Mujadi resie jeroh betuni Lepas kin saksi murip i denie Si wan jenujung gere ne termai Nge kin hali si nipi jege Anyung ni lelayang gerene bertali Gere ne terai sangkan gegebe Mujadi bur manis ni peri Gere tertangkokki lepas we i sino Jarak i atas gere teraloi Gerene terai sa simujule Kin tawar sejuk wan musim lemi Kin pembengi wan lao kemaro Teniron gere kin rejeki Tuah siara rupen nume kin bahgie Takengen, 15 Oktober2016

Begitu banyak yang mengibarkan bendera itu Terus berlari lari menyongsong datangnya angin Militankah atau hanya sekedar pencari suaka Sementara wajah wajah ganda tak juga bosan meneriakkan dukungannya Logika logika terbantahkan Nurani dipinggirkan ................ Kemili, 29 Oktober 2016

Inile uah numene mutik Gere ne usik kite munerah Nge tepang  Muchsin Hasan  orom  Taufik Sawah amanah turah munetah Sesuk numele tersik Mupantik tegep berolah Bibes cerdas rum lisik Gerene urik sareh kite erah Nomor due resmi wan uruten King i amaten si roa jari Gere musier ne kukiri kuen Kin handalen munetahi Gayoni Enti ne bimang gelahmi tunungen Rintisni jelen limus belangi Ike kenak ara muperubahen Inile pilihen entine sangsi Do'a sempena tamah mien dukungen Renye bersisawahen ku biak famil Muchsin - Taufik  oya harapen Buge kase lepas kin pemimpin Gayo ni Pinangan, 27 Oktober 2016

Simurungu nge putetalu Gelah mutentu kite bewene Enti kire lupen kin silime waktu Oya nemahte ku akherat kase Ules niupuh enti tegu mutegu Uetmi selalu enti kire merke Ibasuhen salak kiding orom pumu Enti lupen ulu orom kemiringpe Roa rakaat si kite tuju Nge mutentu oya bilangenne Sikerna oya nge kin fardhu Keta si sunetpe mepat arae Pinangen, 30 Oktober 2016

Ama ... Bier i reringi baur si atas Sabe we telas kasih rum sayangmu Buge kami kase lepas temas Gere ne melas kase anak anakmu Ama ... Gere terseta rum kayu naru Gere mera buntu kaol ni ate Mujadi petuah peri bijakmu Kin penetah tentu kati temas kase Ama ... Alak si mamur penekul ni kami Buge mujadi sana sipinte Do'a sabe renye ku Illahi Buge kase lepas begune Ama ... Sara batang ari ama Sara cabang we ari kami Selues belang i jurah ama Sekolak ni ulung penosah ni kami Ama ... Ku Tuhen kamipe muniro Buge jeger kase amaku Lanyut mi umur jarakmi bele Sabe bahgie iwanni muripmu Timanggajah, 17 Mei 2014

Engi... Nge kite muloi rum bismillah Mu ikot nge janyi wan sara kalimah Jurah beterime tiro berosah Sijarak i mata se nge teridah Engi... Ikhlas termulo rela nge turah Setimang pasang sepupu sepapah Gerene basah wan loding serlah Gerene sesilen wan porak munyerlah Engi... Jangko ni pumu merawe gere sawah Si arap ni mata arawe gere teridah Si kite amaten mejen kase muluah Kire gere sampe kenunulen mupinah Engi... Si kite lalui nge kin kisah Paet lungie nge murasa ku awah Enti ne bimang osopmi gunah Tali si kite ikot kire gere ne muluah Engi... Taon mungadu ku kao turah Pongotni sebuku simejen sawah Kering ni tanoh gere ne mucerah Nami siturun nge munemah tetah Engi... Bersiingeten kite kire ara salah Bersitunungen kite orom orom munetah Ike kin kurange kase betamah Keta ike lebihpe gere ne i sikah Engi... Ku si Sara kitepe berserah Sire muniro sabe ku Allah Si kite pinte buge kire sawah Bahgie murip gere ne mupisah Takengen, 31 Januari 201...

Asap itu asap kita Dikirim saudara kita Kita sambut kedatangannya Walau ispa sesakkan dada Asap itu asap musiman Kita pun tahu kapan dia datang Menarilah dan rentangkan tangan Teriakkanlah SELAMAT DATANG Jangan pernah membencinya Karna hadirnya kita yang minta lingkarannya sesakkan dada Keluar masuk rumah sakit itu biasa Pinangan 23 Oktober 2015

Cerak kunul bewene jago Ike cerak sesuk mera mugegir Buet jeroh gere perlu i cuge Silepas i parin gere daleh i santir Beweh si kaji gere mari mari Salah ni jema meh i ukei Mutihen salak ku jema rami Rupenpe rungep sentan i kacai Sara ku jema opat kukite Gelumang mulak merawe kin bele Serloni ku jema lang ku kite Gere daleh kite putetepok dede Perumnas Antara, 09 Desember 2015

Perau si kite kayuh gere ilen musampe Letih ni tubuh oya nge kin resamme Kekire gelah musara wanni ate I tetah peden buge enti mucere Naru asal ike kite tunung dene Gere terdemui isi keta puncee Janyi setie beta kire kin minselle Gere mu akhir isi metusse Udah ara teniron si gere terosah Sikerna gere terjangko pumu gere sawah Sikerna jaraktu ari mata kati gere tererah Enti renye kase oya kin Pinangan, 30 Desember 2015

Anakku Sesara renye mubilangen umurmu Besilo nge pitu ton keta muripmu Nge i betihiko sesi kiding sesi pumu Nge tebedanko sesi konot sesi naru Anakku.... Resie ni murip gere terbetihi Si kite suen mera we gere mujadi Gelah mupedoman i wan muripni Simehate turah ku Al Qur'an rum Sunah ni Nabi Anakku.... Ike munuet gelah muniro Ike mujurah turah berjangko Kin delewe enti kase rie Kin tikikke buge semperne Anakku.... Ku tengku guru kao i julenen I baca buku kin pengetahuen Sesi kurang renye tamahen Si enguk i bagi renye i kalinen Anakku Turah belejer ku tengku ngaji Alif ba ta tsa turah i pelejeri Naru konotte turah i kaji Tujuen murip kati i betihi Anakku.... Do'a ni ama ine munulesiko Sesire natangen pumu ku ALLAH muniro Buge terkabul sana sipinte Denie akhirat buge bahgie Lailahaillallah.... Muhammad Rasulullah.... Jegermi Anakku Mutuah.... Umur Lanyut Rejeki Mudah.... Pinangan, 20 Nopember 2015

Anakku.....ike kase engonko waih siarani lagu mususut, oya nume kerna kelamun tengah minum, nume kerna ton musilu ni waih makin relem, enti salahen uren sigere denem. Anakku.......oya tenironte ku Tuhen, gere betatang pumu, gere munungkuken ulu, sikerna uyem sirubu nge musirang, kayu sikaol nge tareng atang Anakku.......ringit sikite perah gere tekire, reta siara gelah kie jege Anakku......jegei rahmat ni Tuhente orom pusaka ni muyang datu. jegei anakku.... 05 Februari 2015

Anakku.... Di hari ulang tahunmu harapan ama dan ine masih tetap seperti dulu Jadilah engkau anak yang shalehah Mulailah belajar untuk lebih mengerti membedakan benar dan salah Pilahlah antara baik dan buruk Terbanglah setinggi engkau bisa Jangan takut jatuh anakku Karena kami akan berikan engkau sayap sayap baru Anakku.... Jangan pernah takut berbuat anakku Kelak engkau akan mengerti bagaimana indahnya meraih harapan itu. Tetap semangat anakku Perlahan engkau juga akan bisa memaknai hidup ini Anakku... Sebagaimana matahari yang hadir disetiap pagi Kami berharap engkau akan selalu mampu menerangi hari hari Bawalah cita citamu bersamanya Jangan pernah takut tenggelam anakku Karena kami akan memberimu cahaya cahaya baru Anakku... Jikapun bahagiamu di gunung itu Jangan pernah ragu tuk memilikinya Teruslah mendaki anakku Jangan pernah merasa lelah Karena kami akan selalu memberikan semangat semangat baru untukmu Ya Allah... Panjangkan umur anakku, sehatk...

Alhamdulillah pemulo kuucepen Sikerna nge sawah si kami nampinen Siwah bulen nge wan kandungen Besilo nge mutamah ni kami keturunen I tamah ni Allah ku kami amanah Simehate kami jegei turah Buge wan mungaolne gere mukeluh kesah Segele buette buge mupaedah Tulusiberue besilo ni kamini Rejeki si geh sabe kami syukuri Do'a ku Allah gere mari mari Buge jeger jeger pinte ni kami 23 Nopember 2015

Enti lale kite bewene Sekejep we rupen muripte I akherat kase si kekale Nge isiepen kedie nemahte Kite pergunen si lime sebelem i uet ni Si Sara Ike nge osop kase nyesalpe gere pure I tetah buet si gere ku mara Buge temas puren taonte I gunenen muripte sebelem mate Amal ibadah enti sampe taring Ku buet si jerohpe enti sampe lale Ike buet kotek enti i amat king Isyukuri sehatte sebelem sakit Silepas bueten enti idatenen Buet si kotek enti isesalit Ku buet jeroh gelah bersisawahen Manfaaten masa mudete sebelem tue Enti berdate ike ku amal jerohni Renye i bueten wan masa mude Sikerna ike nge tue sesukpe turah tupangi Wan masa kayate ingeti kase miskin Sikerna reta bewene taring Bier delepe reta oya i denie pelin Taonte puren tanoh we kin rering Tengah wan lapang enti ongot pelin Renye ibueten siperintah ni Tuhen Enti sempat ilen kase idaten Sebeb gere mepat waktu minah penomenen Tabi keta cerak pemarin Udah cerak siluah nge delenen salah Ku biak sud...

Ketika kita lebih suka membaca dari kiri daripada dari kanan Akankah kita merasa dekat denganNya Baris baris yang kita tinggalkan Tertuliskah dihati rapuh kita Atau hilang begitu saja Ketika sajadah tak lagi mengaromai hari hari Akankah surga itu menjadi milik kita Jejak jejak yang tertinggal Ingatkah pada kita yang terus berlalu Atau lupa pada yang memberi Ketika terjemahan menduakan makna Akankah kita bersatu dalam beda Kalimat suci tak tergantikan Bahasanyakah yang menipu Atau kita yang enggan mengerti Ketika bumi semakin tua Akankah kita selalu ingat pada Maha Kuasa Matahari merubah arah terbitnya Mendekatkah kita pada langit Atau jauh dilenakan dunia Jika kebenaran itu pilihan Mampukah logika menyesatkan Jikapun kesalahan itu keharusan Akankah nurani tersingkirkan Pinangan, 09 Nopember 2016

Pepora cuge kurike Sipet kotek siara i manusie Ara onom sipet beta kire kire Ike ara salah maaf ku tiro Si pemulo sipet iri hati Ate we macik ike jema murejeki Renye munyaing sesabi diri Macam bage renye i kaji Sipet dengki keta sikedue Ike jema senang we gere suke Mungotek ni jema asal paling jago Galak pedi rasae ike jema bedewe Sipet hasut keta si ketige Mujalu jema gere berede Jolok kuini congkel kuso Gere nguk erahe jema musedere Si keempat oya sipet fitnah Munyawahen peri asal pelin cogah Sijerohape kotek sibetulpe salah Senangdi atewe ike jema mukunah Sikelime berburuk sangka Gerjen jelas renye curiga Gere mubukti renye munuduh jema Gere panang sareh i engon nyata Sipet khianat si keenamme I osah amanah gere i buetne Len i arap len i kudukke Wanni becerak deledi janyie Ini keta silepas sikusawahen Buge mugune ku kite insen Ike ara salah keta bersiingeten Ike ara lebihpe keta bersiueten Pinangan, 30 Nopember 2015

Mulekang uah ari tampuk Ruluh munemah nasibpe Orom bumi musara peluk Berules orom kerpe Mukale bange pucuk Kin kenyeh ni uah si bersenggayun Kekire nge muloi suntuk Musirang nge petemun Kucabang pejunte manuk Penjenyong rum ate karu Munerah ku ceding nge taring tampuk Nge osop bene uah selalu Takengen, 13 Nopember 2015

Inile Reje simusuket sipet Sinamat edet tampuk ni denie Nise buette gere mera mumitet Sipinte rum hejet buge semperne Dele program si nge berjelen Ari senuen sawah kusampah Nge kite erah i bidang pertanien Nge mubentangen batang mutetewah Mungamuli sampah oyape i bueten Lepas itukeren rum siperlui Nge sedie barang iwanni peberasen Simera berkenak geh renye kuini Simunamah ilmu gerene nyanya Nge ara pustaka isone mupari Bilangen nibuku mudele pora Nge mususun nyata iwanni lemari Kin teknologipe we gere lupen Nge i aranen komputer belangi Buge generasi gere sampe segegepen Kin kemajuen jemen nge siep ihadapi

Cerak gere beminsel Turah dedel dedel luahni peri Gere tepangan ike asam kedel Usie tebel wihhe temuni Dele kayu rubu si kin pelongohen Nge beraturen ike i selesei Turah bepilih si kin seserenen Gere mehaten bise kase usi Turah kudirin jorolni senuen Bierpe bepancang kayu kuen kiri Ike kenak menet irilingen Enti usik bierpe geh rui Asal dele bunge besuen Si kin sunting mepat we gerele Gere bewene turah i peltekken Mehat sara si kaol ni ate Takengen, 20 Januari 2016

Gelah bijak beperi kase anakku, ku silayak patut turah betimah lemut, kati sangkut ate ni jema Gelah mukemali kase anakku, ku sigere layak patut enti i bueten, kati galak ate ni jema Beribadah enti lupen anakku, ku si wajibpa oya siturahe ku si sunete iobon kin penamahe kati temas muripmu puren Takengen, 22 Juni 2014

Murip turah muteleden Kati semperne sana si buetten Ku sipet ni Rasul gelah kite munengon Buge kase lepas kite amalen Sipet si pemulo keta kejujuren Gere mubeda cerak orom perbueten Gere pecogah munosah jeweben Bierpe bermacam bage kase pengunen Sipet si kedue oya kepercayaen Gere mubeda cerak orom tenulisen Beta kite siterime beta i sawahen Bierpe dele kase penosahen Sipet si ketige keta Penyawahen Gere berongot tir i sederen Munosah keber jeroh ku biak serinen Bierpe terang gelep porak lao uren Sipet si ke opat oya Kecerdasen Gere asal tangkuh cerak i luahen Turah siep ilmu orom pengetahuen Nguk kin teleden kusi kiri kuen Keta ku kite selaku insen Sipet ni Rasul turah tunungen Wan muripni oya kite buetten Temas i denie orom akherat puren Takengen, 22 Januari 2016

Muharap terang cahya ni ulen Kin suluh beluh wan perjelenen I senei bintang mugegedepen Orom emun sabe berkekulen Kurering tepas tubuh i serenen Kusupu serule kin pelongohen Mutamah naru so pemikiren Mulintes kiles mien kenangen Ku atang borok berjejuntenen Lues mumanang bur pereben Nge osop bene se harapen Lagu punguk ngalei ulen Muluahen beret munatangen ringen Janyi sitergores rupen gere sepeden Sara ku kiri sara kukuen Gere ne musara wanni iketen Tajuk renggali nge i peltekken Male kin sunting kin periesen Ku pating kolak male i cucukken Orom kepies mubeda rupen Takengen, 30 Oktober 2015

Di pinggir malam Celetuk celetuk kecil memaksa  bulan bercengkrama dengan para perayu Sesekali mendengar cacian dibalut tawa sinis yang mulai terbiasa dengan kelicikan kelicikan yang dikonsepkan Di pinggir malam Bulan bosan menemani para pemilik hati Yang tertutupi sumpah serapah Tak ada lagi logika tak ada lagi nurani yang bicara Kerumunan ego memaksa naluri tersingkir dari batas batas wajar yang menenggelamkan nurani Blang Kolak II, 01 Nopember 2016