Langsung ke konten utama

MUBETIHI DIRI


Pucuk siteridah emusi kuyu
Lagu munalu emun beriring
Gere tepeltek gere tejangko pumu
Bierpe sige penaru ni kiding

Tengah melem merawe sawah
Gati teridah i wanni nipi
Sekejep osop sekejep singah
Gere kin tuah kati gere termai

Dele asa penengonen
Mubisik ku ate mujadi harapen
Pakat mulo orom pemikiren
Silepas i emah keta temengen

Beriring jorolni senuen
Bededik rami mungenaki dirinen
Harap ku pucuk male murilingen
Uyet nge meri nge taring harapen

Naru kekire wan dede
Dele penironen ni ate
Nge mepat bagin ni kite
Bierpe tunungen turah we taringne

Sikite kuruk olokdi relem
Nge betanom mujadi resie
Gere terkelok gere terengom
Bier i gerinem gere we gerle

Enti i dedik si sangka keras
Keti enti muhempas mumerusen dede
I jujung nemah silepas lepas
Keti enti melas ahir ni cerite

Takengen, 16 Januari 2016
Label:

Komentar

Posting Komentar

Postingan populer dari blog ini

BELUHE KIN ULAKE

Mokotdi nge beluhe Se nge teridah mien rupee Ara rupen simale raie Ulakke kin beluh mien Ari manemi isihen die taringe Simale nentong gere mepat singahe Keber sisawah olok jarak taringe Tenah gere musampe nge minter telas wan ni kenunulen Kin pemampat kire sawahe Cerak cerak kucak janyipe osahe Berasup mien netah perempusenne Kin penebesse parang i kamulen Lagu mutuker pepanyi i emahe Mulaen gambar mubeda warnae Kekata mupari ituyuh ni gambare Oya oya sabe iosahe harapen Pinangan, 14 Nopember 2017
Posting Komentar
Baca selengkapnya

OSOP

Denem ni ate munaso rinu Paong berlagu nge osop bene Se nge belongoh tuyuh kayu rubu Taring basamu mununung dene Tewah ni pucuk iemusi kuyu Kunul kuperdu sire bejunte Ulu petungkuk lale wan sebuku Jangin simunalu gerene musampe Naru ni jelen se nge buntu Nge mutumpu gere mudene Beluh sekejep wan ralan naru Taon situju mudemu ahere Caya ni ulen nge telen rau Orom matanlo gerene mudeme Arape bintang siberiring naru Sikin suluh terang osop ahere Pinangan 2016
Posting Komentar
Baca selengkapnya

ANAKKU VIII

Bilangen ni umur opat mukire Khalisa Althaf kao i rasi Harapen ku kao gere terhinge Kasih sayang ama ine gere mutepi Tegep sesukmu mujadi bahgie Pane berkekire munetahi diri Harapen ni kami buge semperne Gere mukulu kie iwanni muripni Galakmu munaringen tene Kenyeh menye ku kerlang munyerei Pongotmu mujadi luke Gere berede wan tenumpitenni Kedikmu sesire bersene Renye muniro si male i kenakki Musampe turah si jangko Bierpe galah muleno turah we mujadi Ku Allah kamipe muniro Gere mera rede wan do'a ni kami Jarak ari seteru gaip ari bele Buge rembege gere mera lesi Pinangan, 23 November 2019
Posting Komentar
Baca selengkapnya